Mashinasozlik fakulteti “Fizika” kafedrasi o’qituvchilari Alisher Soliyev va Ahmadjon Soliyevlar tomonidan Uychi tumani xalq ta’limi bo’limiga qarashli 2-umumiy o’rta ta’lim maktabida “Maktab-oliy o’quv yurti” mavzusida ochiq muloqot o’tkazildi.
Ushbu ochiq muloqotda 24-umumiy o’rta maktab direktori N. Sobirova hamda 11-sinf o’quvchilari qatnashdilar.
Ochiq muloqotda kafedra o’qituvchisi A. Soliyev Namangan muhandislik-qurilish institutidagi mavjud yo’nalishlar to’g’risida batafsil tanishtirdi. Bundan tashqari O’zbekiston Respublikasi Prezidentining 2019-yil 11-iyuldagi PF-5763 sonli “Oliy va o’rta maxsus ta’lim sohasidagi boshqaruvni isloh qilish chora-tadbirlari to’g’risida”gi farmoni haqida tushunchalar berib o’tdi.
U O’zbekiston Respublikasi oliy ta’lim tizimini 2030-yilgacha rivojlantirish konsepsiyasining maqsad va vazifalarida belgilangan: bitiruvchilarning 50 foizdan ortig’ini qamrab olish, sohada sog’lom raqobat muhitini yaratish
respublikadagi oliy ta’lim muassasalarini xalqaro e’tirof etilgan tashkilotlar reytingiga kiritish, oliy ta’lim mazmunini sifat jihatidan yangi bosqichga ko’tarish, yuqori malakali kadrlar tayyorlash tizimini yo’lga qo’yish, shuningdek, talaba-yoshlar ta’lim-tarbiyasi uchun qo’shimcha sharoitlar yaratishga qaratilgan kompleks chora-tadbirlarni o’z ichiga olgan beshta tashabbusni amaliyotga tadbiq etish borasidagi institutning asosiy maqsad va vazifalariga to’xtaldi.
Shundan so’ng o’quvchilarni oliy ta’lim tizimi va qabul jarayonlari to’g’risida qiziqtirgan savollariga o’qituvchilar tomonidan to’liq javoblar berildi.