2019 yil 29 noyabr kuni institutning 1-o‘quv binosi 607-xonasida Ekologiya va atrof muhitni muhofaza qilish boshqarmasi bo‘lim boshlig‘i O‘.Sattarov, Namangan viloyat veterenariya boshqarmasi bo‘lim boshlig‘i Sh.Sotvoldiyev, “Hayotiy faoliyat xavfsizligi” kafedrasi mudiri M.Sobirov, kafedra dotsentlari N.Baxriddinov, X.Raximov, kafedra katta o‘qituvchilari Sh.Mamadaliyev, Sh.Raxmonov, A.Turgunovlar ishtirokida institutning ekologiya va atrof muhit muhofazasi yo‘nalishida o‘quv yili davomida o‘tkaziladigan tadbirlar dasturi doirasida 30 noyabr – “Butunjahon uy hayvonlari kuni”ga bag‘ishlab 43-MMTX-19, 7-8-MS-19 guruh talabalari o‘rtasida davra suhbati o‘tkazildi.Tadbirni o‘tkazishdan maqsad o‘sib kelayotgan yosh avlodning ekologik savodxonligini oshirish, ekologik ongi va ekologik madaniyatini shakllantirish va rivojlantirish, ekologik ta’lim va tarbiya jarayonini samarali tashkil etish, talabalarni e’tiborini umumbashariy ekologik muammolarga qaratish orqali ularning ona tabiatning qayta tiklanmaydigan manbalarini saqlab qolish va ulardan oqilona foydalanish borasidagi mas’uliyatini kuchaytirishdan iboratdir.
Tadbir davomida talabalarning barcha qiziqtirgan savollariga mutaxassislar tomonidan javob berildi.