MATERIALLAR QARSHILIGI VA MEXANIKA KAFEDRASI
Kafedra haqida
"Materiallar qarshiligi va mexanika" kafedrasi 1982 yil dekabr oyida "Umumtexnika fanlari" kafedrasidan ajralib chiqqan. Kafedra dastlab 3 ta fan nomzodi (P.Abduraximov, A.Qambarov va N.Turg’unov) va 5 ta assistentlar (V.Zavistovskiy, U.Mamadaliyev, J.Daminov, I.Narzullayev va A.Raximov) bilan ish faoliyatini boshlagan. Kafedraga texnika fanlari nomzodi P. Abduraximov 1992 yilgacha rahbarlik qilgan. Jamoani 1994-1999 yillarda dotsent A.Hakimov, 1992-94 va 1999-2013 yillargacha professor Sh.S.Yuldashev boshqarganlar. 2013-2018 yillarda dotsent J.A.Daminov boshqargan. 2018 yildan boshlab dotsent Yo.K.Tillaboyev kafedra mudiri lavozimida ishlab kelmoqda.
Kafedra faoliyati davomida kafedrada faoliyat olib borgan Hakimov A.F., Zavistovskiy V.E., Alimov X.L., Matkarimov P.J., Daminov J.A, Mahmudov Z.S., Mamadaliyev U.M., Saidov S.M., Sultonov T., Umarxonov S.I., Boytemirov.M.B., Karabayeva.M.U. lar nomzodlik dissertatsiyalarini va Yuldashev Sh.S., Matkarimov P.J. doktorlik dissertatsiyalarini muvafaqqiyatli himoya qildilar.
Hozirgi vaqtda kafedrada 1 ta fan doktori, 6 ta fan nomzodi, 4 ta katta o’qituvchi va 3 ta stajyor o’qituvchi, 1 ta texnik xodimlar faoliyat ko’rsatmoqdalar.
Kafedra o’qituvchilari talabalarga “Nazariy mexanika”, “Mexanika”, “Texnik mexanika”, “Amaliy mexanika”, “Nazariy mexanika va materiallar qarshiligi” va “Qurilish mexanikasi” fanlaridan bilim berib kelmoqda.
Kafedra tasarrufidagi 107 va 108- xonalar ma’ruza va amaliy mashg’ulotlar uchun, 109-xona tajriba ishlari uchun hamda 105-xona amaliy mashg’ulotlar o’tkazishga mo’ljallangan bo’lib, darslarni ilg’or pedagogik va axborot texnologiyalari asosida o’tish uchun barcha sharoitlar yaratilgan. 108-xonasi kompyuter va videoproektor bilan jihozlangan. Bu xona zamonaviy elektron doska bilan jihozlangan va unga “O’qituvchi” dasturi yuklangan. O’qituvchi elektron doska bilan ishlash bilan birgalikda talabalarning darslarni o’zlashtirish ko’rsatkichlari yoki oraliq nazoratlarini bir vaqtning o’zida 60 ta talabani baholashi va tezkor tahlil etishi mumkin.
Hozirgi kunda institutda ustoz professor Sh.S. Yuldashevning “Deformasiyalanuvchi qattiq jismlar mexanikasi” ixtisosligi bo’yicha ilmiy maktabi yaratilgan. Olib borilayotgan ilmiy ishlar natijasini professor Sh.S.Yuldashev, va P.J. Matkarimovlar rahbarligida bajarilgan va bajarilayotgan 4 ta davlat granti misolida ko’rish mumkin.
2007-2011 yillarga mo’ljallangan “Turg’un bo’lmagan elastik to’lqinlarning bir jinsli bo’lmagan yarim fazoda tarqalishini turli xil ekranlarni hisobga olgan holda o’rganish, muhitning mexanik xarakteristikalarini tajriba yo’li bilan aniqlash va kuchlanganlik-deformatsiya holatini tadqiq qilish” mavzusidagi fundamental loyiha bajarilgan. Loyihada P.J.Matkarimov, S.I.Umarxanov, J.A.Daminov, S.M.Saidov, U.M.Mamadaliyev, Sh.Jumaboyeva va boshqalar ishtirok etishgan. Olingan natijalar asosida ishlab chiqilgan amaliy tavsiyalar loyiha tashkilotlariga va ilmiy-pedagogik faoliyatga tadbiq etish uchun qulay shaklga keltirilgan hamda olingan yangi ma’lumotlar asosida Sh.S.Yuldashev va P.J.Matkarimov tomonidan 2014 yilda "Распространение вибраций в грунтах от транспортных средств и выброзащитные системы" nomli monografiya yozildi va chop etildi.
2009-2011 yillarga mo’ljallangan “Namangan shahri uchun seysmik havfsizlikni ta’minlash ilmiy-amaliy asoslarini yaratish va bo’lishi mumkin bo’lgan zilzilalarda zararni kamaytirish bo’yicha tavsiyalar ishlab chiqish” mavzusidagi amaliy loyiha bajarilgan. Loyiha ishtirokchilari J.Jumaboyeva, J.Goyipov, A.A. Baxodirov va boshqalar. Olingan natijalar asosida ishlab chiqilgan amaliy tavsiyalar Namangan viloyati favqulodda vaziyatlar boshqarmasiga hamda NamMPIga amaliyotda qo’llash uchun topshirildi.
2012-2016 yillarga mo’ljallangan “Elastiklik nazariyasining dinamik masalasi - uch o’lchamli bo’lak-bo’lak jinslardan iborat bo’lgan uzluksiz yarim fazoda harakatlanuvchi yukdan hosil bo’ladigan to’lqinlarning tarqalishini tadqiq qilish” mavzusidagi fundamental loyiha hozirgi kunga bajarilgan. Loyiha ishtirokchilari P.J.Matkarimov, J.A. Daminov, S.M.Saidov, Sh.Jumaboyeva, M.Nabiyev va boshqalar. Loyiha natijalaridan olingan tavsiyalar ishlab chiqarishga yoki ilmiy pedagog jarayonga tadbiq etish rejalashtirilgan.
P.J. Matkarimov rahbarligida 2015-2017 yillarga mo’ljallangan davlat granti A-14-8+(14-11) “Seysmik kuch ta’sirida suv inshootlari mustahkamligi, suv inshootlarini gruntning real fizik mexanik xarakteristikalari va elastik-plastik deformasiyalanishi va temir beton konstruktsiyali bino va inshootlar elementlarining mustahkamlik, zilzilabardoshlik va deformasiya xossasiga ega hamda uzoq muddatga chidamliligini ichki va tashqi muhitlardan kompleks ta’sirlarini tadqiq qilish mavzusidagi amaliy ilmiy-tadqiqot ishilari yakunlandi.
Kafedradan yetishib chiqqan yuqori malakali kadrlardan turli yillarda rahbarlik lavozimlarida ishlaganlar
Rektorlar:
1. Matkarimov P.J.- 2006-2017 yillar (NamMPI)
2. Xakimov A.F. – 2011-2016 yillar (QDPI)
Prorektorlar:
1. Alimov X.L. - 1998-2000 yillar;
2. Mahmudov Z.S. - 2001-2004 yillar;
3. Xakimov A.F. - 2006-2011 yillar;
4. Matkarimov P.J. - 2005-2006 yillar;
5. Yuldashev Sh.S. - 2006-2007 yillar;
6. Umarxanov S.I. – 2014-2021 yillar.
Dekanlar:
1. Yuldashev Sh.S. - 1994-1999 yillar;
2. Xakimov A.F. - 1999-2000 yillar;
3. Alimov X.L. - 2000-2004 yillar;
4. Matkarimov P.J. - 2005-2006 yillar;
5. Mahmudov Z.S. - 2005-2006 yillar.
Professor Sh.S.Yuldashev O’zbekiston Respublikasi OAK ning texnika fanlari bo’yicha ekspert kengashi a’zosi sifatida faoliyat olib bormoqda. Hozirgi paytda professor SH.S.Yuldashev va professor P.J.Matkarimovlar shogirdi T.Sultanov Toshkent irrigatsiya va melioratsiya institutining ilmiy ishlar bo’yicha prorektori lavozimida ishlamoqda. U 2014 yil 27 dekabrda doktorlik dissertatsiyasini muvaffaqiyatli himoya qildi. Kafedre doktorantlari Nishonov N. 2017 yil dekabr oyida doktorlik (PhD), Boytemirov M 2021 yil noyabr oyida doktorlik (PhD), Karabayeva M 2022 yil mart oyida doktorlik (PhD) dissertatsiyalarini muffaqiyatli himoya qildilar.
“Materiallar qarshiligi va mexanika” kafedrasi qoshida professor SH.S. Yuldashev ilmiy maktabi asosida 01.02.04-“Deformasiyalanuvchi qattiq jism mexanikasi” ihtisosligi bo’yicha doktorantura hozirgi kunga qadar o’z faoliyatini olib bormoqda. Bu yillar davomida kafedra doktoranti N.Nishonov, A.Isomiddinov, M.Boytemirov, Sh.Ismoilv, M.Karabayevalar nomzodlik dissertatsiyalarini muffaqiyatli himoya qildilar.
DOKTORANTURAGA MARXAMAT !!!
Kafedrani ilmiy sohada erishgan natijalari:
Mavzuning har bir qismi bo’yicha, jami ikkita doktorlik va beshta fan nomzodligi dissertasiyalari yoqlandi. 400 dan ortiq ilmiy maqolalar O’zbekiston Respublikasi va xorijiy jurnallarda (Scopus, Web of Science) chop etildi. Qilingan ilmiy ishlardan olingan natijalar Toshkent metropoliteni qurilishi hamda Moskva shahrining uchinchi transport halqa yo’l qurilishida tadbiq etildi. F-4-23 “Elastiklik nazariyasining dinamik masalasi uch o’lchamli bo’lak-bo’lak jinslardan iborat bulgan uzluksiz yarim fazoda harakatlanuvchi yukdan hosil bo’ladigan to’lqinlarning tarqalishini tadqiq qilish” mavzusi bo’yicha olingan natijalar Qo’qon mintaqaviy temir yo’l uzeli tomonidan amaliyotga qo’llash uchun qabul qilindi.
Professor P.J.Matkarimov tomonidan Materiallar qarshiligi fani bo’yicha darslik chop etildi. Bu darslik 2011 yildagi Respublika miqyosida o’tkazilgan tanlovda g’olib chiqib, III-darajali diplom bilan taqdirlandi.
Professorlar Sh.S.Yuldashev va P.J.Matkarimovlar tomonidan "Transport vositalaridan hosil bo’lgan vibratsiyaning gruntda tarqalishi va vibratsiyadan himoya qilish sistemalari" mavzusidagi monografiya chop etildi.
Kafedra Respublikamizning boshqa oliy o’quv yurtlari, ilmiy-tadqiqot institutlari va chet mamlakatlarning ilmiy markazlari bilan kadrlar tayyorlash va ilmiy ishlar bo’yicha hamkorlik qilmoqda.
O’zR. Davlat patent idorasi tomonidan rasmiy qayit etilib patent olingan ilmiy ishlar ro’yxati:
- EHM uchun “DINAMIKA. FOR” dasturi. Свидетельство №255 об официальной регистрации Гос. Потентное ведомст во ГКНТ Руз. 19.06.1999г. M.Mirsaidov, D.F.Rumi, T.Z.Sultanov, Р.J.Matkarimov.
- EHM uchun “Namlik. for” dasturi. Guvohnoma № DGU 00331 O’zR. Davlat patent idorasi, 06.06.2000 y. M.Mirsaidov, T.Z.Sultanov, P.J.Matkarimov, B.SH.Yuldashev.
- EHM uchun “Cob-form.for” dasturi. Guvohnoma № DGU 00374 O’zR. Davlat patent idorasi, 07.10.2000 y. M.Mirsaidov, T.Z.Sultanov, P.J.Matkarimov, SH.Xudaynazarov.
- EHM uchun “Seismika.for” dasturi. Guvohnoma № DGU 00431 O’zR. Davlat patent idorasi, 09.07.2001 y. M.Mirsaidov, P.J.Matkarimov, B.SH.Yuldashev.
- EHM uchun “GID-STAT. FOR” dasturi. Guvohnoma № DGU 01236, O’zR. Davlat patent idorasi, 20.02.2007 y. M.Mirsaidov, T.Z.Sultanov, P.J.Matkarimov, B.SH.Yuldashev.
- EHM uchun “GT_DIN_2. FOR” dasturi. Guvohnoma № DGU 01933//, O’zR. Davlat patent idorasi, 28.04.2010 y. P.J.Matkarimov, Z.X.Xolboev.
- EHM uchun “GT_DIN_1. FOR” dasturi. Guvohnoma № DGU 01944//, O’zR. Davlat patent idorasi, 19.05.2010 y. P.J.Matkarimov, Z.X.Xolboev.
- “Seysmik kuchlar ta’sirida gruntli to’g’onlarning dinamik holatini aniqlash”. Guvohnoma № DGU 03277//, O’zR. Davlat patent idorasi, 22.06.2015 y. P.J.Matkarimov.
“Tekis sathda joylashgan temir yo’l polotnosida poezd harakati natijasida tarqaladigan vibratsiya darajasini aniqlash”. Guvohnoma № DGU 04309 O’zR. Davlat patent idorasi, 21.02.2017 y. Yuldashev SH.S., Qoraboeva M.U.
Tillaboyev Yodgorjon Kenjaboyevich
Qabul kuni: har kuni (yakshanbadan tashqari): 15.00-17.00.
Telefon: 97 230-19-70
E-mail: tkyodgor@gmail.com
Ma'lumotnoma: Yuklab olish
Kafedra tarkibi:
Tillaboyev Yodgorjon Kenjaboyevich
1987-1992 yillarda ToshDU talabasi, 1992-1993 yillarda Namangan viloyati iqtidorli bolalar maxsus maktab internat litseyi fizika o’qituvchisi, 1993-1995 yillarda “Hisoblash texnikasi” kafedrasi assistenti, 1996-1999 yillarda O’zR FA ning M.T.O’rozboyev nomli "Mexanika va inshootlar seysmik mustahkamligi" instituti kunduzgi bo’lim aspiranti, 1999-2000 yillarda mazkur institutning kichik ilmiy xodimi, 2000 yilda O’zbekiston Milliy Universiteti qoshidagi ixtisoslashtirilgan kengashda "Gazli suyuqlik aralashmasi harakatida gaz pufakchalari deformatsiyasini hisobga olgandagi gidrodinamik effektlar" mavzusida nomzodlik dissertatsiyasini himoya qilgan. 2000-2001 yillar "Hisoblash texnikasi" kafedrasining katta o’qituvchisi, 2001-2006 yillarda "Hisoblash texnikasi" kafedrasi mudiri, 2006-2015 yillarda kafedra dotsenti lavozimlarida ishlab keldi. 2015-2018 yillarda kafedra dotsenti lavozimida ishlagan. 2018-yildan "Materiallar qarshiligi va mexanika" kafedrasi mudiri lavozimida ishlab kelmoqda. 56 ta ilmiy va uslubiy ishlar muallifi.
Yuldashev Sharafitdin Sayfitdinovich
1970-1975 yillarda ToshDU "Mexanika-matematika" fakul’teti talabasi, 1975-1984 yillarda O’zR FA ning M.T.O’rozboyev nomidagi "Mexanika va inshootlarning seysmik mustahkamligi" institutida kichik ilmiy xodim, 1982 yilda "Metropoliten tonnellari yaqinidagi gruntlarning tebranish darajasini baholashning sonli usuli" mavzusida nomzodlik dissertatsiyasini yoqlagan. 1983 yilda "Inshootlarning grunt bilan o’zaro dinamik ta’siri" mavzusidagi ilmiy ishlari uchun sobiq Ittifoqning yoshlar qo’mitasi mukofoti laureati. 1999 yilda "Transport vositalaridan hosil bo’lgan vibratsiyaning gruntda tarqalishi va vibratsiyadan himoya qilish sistemalari" mavzusida doktorlik dissertatsiyasini yoqlagan. Uning rahbarligida 3 ta nomzodlik va bitta doktorlik dissertatsiyalari himoya qilindi. 1975-1984 yillarda aspirant, katta ilmiy xodim, 1984 yildan 1985 yilgacha NamMPIda katta o’qituvchi, 1985-87 yillarda "Qurilish mexanikasi" kafedrasining mudiri, 1987-1992 yillarda "Qurilish" fakul’tetida dekan muovini, 1992-1994 yillarda "Materiallar qarshiligi va qurilish mexanikasi" kafedrasining mudiri, 1994-1999 yilgacha "Qurilish" fakul’tetining dekani, 1999-2013 yilgacha "Materiallar qarshiligi va qurilish mexanikasi" kafedrasining mudiri lavozimda ishlab kelgan. 130 dan ortiq ilmiy va uslubiy ishlar muallifi.
Mahmudov Zokirjon Sotivoldiyevich
Toshkent Davlat Universiteti amaliy matematika va mexanika fakul’tetini 1980 yili tugatib, Namangan muhandislik-pedagogika institutiga yo’llanma asosida ishga yuborilgan. 1980-1991 yillarda assistent lavozimida mehnat qildi. O’zbekiston Respublikasi Fanlar Akademiyasining "Mexanika va inshootlar seysmik mustahkamligi" instituti kunduzgi bo’lim aspiranturasida (1991-1994 yillar) yer osti inshootlarining zilzilabardoshligi yo’nalishida ilmiy-tadqiqot ishlari olib bordi va 1995 yili "Tuproq bilan turli xil o’zaro ta’sir qonunlari ostidagi uzun yer osti inshooti dinamikasi" mavzusida nomzodlik dissertatsiyasini himoya qildi. Z.S.Mahmudov 1994-1995 yillarda "Umumtexnika fanlari" kafedrasi katta o’qituvchisi, 1995-1999 yillarda “Mexanika” fakul’teti o’quv ishlari bo’yicha dekan muovini va 1999-2001 yillari institut o’quv bo’limining boshlig’i lavozimida ishlab o’quv jarayonini tashkil etish, institutda mavjud kasb ta’limi yo’nalishlari uchun o’quv rejalari ishlab chiqishda faol ishtirok etdi. 2001 yil sentyabr oyidan 2004 yil fevral oyigacha institutning akademik litsey, kasb-hunar kollejlari va marketing ishlari bo’yicha 1-prorektori lavozimida ishladi. 2004-2005 yillarda “Qurilish” fakul’teti dekani lavozimida faoliyat ko’rsatgan. 2005-2006 yillarda “Umumtexnika fanlari” kafedrasini, 2006-2012 yillarda “Hisoblash texnikasi” kafedrasini boshqargan. Z.S.Mahmudov o’zining 35 yillik ilmiy-pedagogik mehnat faoliyati davrida 65 dan ortiq ilmiy va uslubiy ishlar chop ettirdi. Internetga kirish nomli o’quv qo’llanmasi 2012 yilda bosmadan chiqdi.
Xakimov Anvar Farmonovich
A.F.Xakimov Toshkent politexnika instituti “Muhandislik-qurilish” fakul’tetini 1980 yilda tugatib, ushbu institut ilmiy tadqiqot bo’limi muhandisi lavozimida mehnat faoliyatini boshlagan. 1981-1984 yillar Samarqand davlat arxitektura qurilishi instituti assistenti, 1985-1988 yillar ToshPI aspiranti va 1989-1999 yilgacha Namangan muhandislik-pedagogika instituti “Materiallar qarshiligi va qurilish mexanikasi” kafedrasi katta o’qituvchisi, dotsent kafedra mudiri, lavozimlarida, 1999-2000 yillarida “Qurilish” fakul’teti dekani, 2001-2004 yillarda ichki nazorat va monitoring bo’limi boshlig’i, 2005-2011 yillarda O’quv ishlari bo’yicha prorektor, 2011-2016 yillarda Qo’qon davlat pedagogika instituti rektori va 2016 yildan NamMPI “Materiallar qarshiligi va mexanika” kafedrasi dotsenti lavozimlarida faoliyat ko’rsatib kelmoqda. 1989 yil Ukraina Fanlar Akademiyasi “Yuqori mustaxkamlikli konstruktsion materiallar deformatsiyalanish qonuniyatlari” mavzusida nomzodlik dissertatsiyasini himoya qildi. Kafedra dotsenti ilmiy unvoniga ega va 70 dan ortiq ilmiy uslubiy ishlar muallifi hisoblanadi.
Daminov Jakbarali Abduvaliyevich
1977-1982 yillarda ToshPI talabasi, 1982-1990 yillarda kafedra assistenti, 1990-1993 yillarda O’zR FA ning M.T.O’rozboyev nomli "Mexanika va inshootlar seysmik mustahkamligi" instituti kunduzgi bo’lim aspiranti, 1993-1994 yillarda mazkur institutning kichik ilmiy xodimi, 1994 yilda O’zFA ning M.T.O’rozboyev nomidagi "Mexanika va inshootlarning seysmik mustahkamligi" instituti qoshidagi ilmiy kengashda "Impuls va zarb kuchlari ta’sirida ustun qoziqlarni gruntga qoqish" mavzusida nomzodlik dissertasiyasini himoya qilgan. 1994-2000 yillar "Materiallar qarshiligi va qurilish mexanikasi" kafedrasining katta o’qituvchisi, 1995-2006 yillarda "Qurilish" fakul’teti dekanining o’quv ishlari bo’yicha o’rinbosari lavozimlarida ishlab keldi. 2013 -2018 yillarda "Materiallar qarshiligi va mexanika" kafedrasi mudiri lavozimida ishlagan. 2018-yildan kafedra dotsenti lavozimada ishlab kelmoqda. 66 dan ortiq ilmiy va uslubiy ishlar muallifi.
Dehqonov Ulug’bek G’ofurovich
1983-1985 yillar Toshkent to’qimachilik va engil sanoat instituti kechki bo’lim talabasi bolib o’qishga kirgan va Andijon ip gazlama birlashmasida usta yordamchi bo’lib ish boshlagan. 1985-1987 yillari Armiya safida hizmat qilgan. 1987-1991 yillarda Farg’ona Politexnika instituti (FarPI) talabasi. 1991 yil FarPI “Nazariy mexanika” kafedrasi ilmiy tadqiqotchisi bo’lib ishlagan. 1992 yildan assistent, 1993 yildan katta o’qituvchi, 1994 yildan O’zR FA “Mexanika va inshootlar seysmik mustaxkamligi instituti” aspiranti. 1998 yilda FarPI “Tadbiqiy mehanika” kafedrasi katta o’qituvchisi bo’lib ishlagan. 2004 yildan texnika fanlari nomzodi. 2005 yilda TATU FF ning O’quv uslubiy bo’limi boshlig’i. 2007 yildan 2009 yilgacha RF, Moskva viloyatida VNIIStroyM (Всесоюзный научно-исследовательский институт строй материалов) laboratoriyasida injener tadqiqotchi lavozimida ishlagan. Parallel ravishda 2016 yilgach “Vash repititor” kompaniyasida virtual shartnoma asosida talabalarga “Nazariy mehanika” va ”Mashina va mexanizmlar nazariyasi” fanidan individual dars berdi. 2019 yildan Andijon mashonasozlik instituti “Umumtexnika fanlari” kafedrasi dotsenti. 2021 yildan NamMQI “Materiallar qarshiligi va mexanika” kafedrasi dotsenti. 40 dan ortiq ilmiy va uslubiy ishlar muallifi.
Karabaeva Munira Usmanovna
2001-2006 yillarda Namangan muhandislik-pedagogika instituti talabasi bo’lgan. 2003-2005 yillar oralig’ida Namangan muhandislik-pedagogika instituti “Qurilish” fakul’teti dekanatida kotiba bo’lib ishlagan. 2005-2011 yillarda Uchqo’rg’on tuman 36-umumta’lim maktabi o’qituvchisi, 2011yilda Namangan shahar 39-umumta’lim maktabi o’qituvchisi, 2011-2013 yillarda Namangan muhandislik-pedagogika instituti magistranti, 2013-2015 yillarda mazkur institutning “Materiallar qarshiligi va qurilish mexanikasi” kafedrasi assistenti, 2015-2018 yillarda Namangan muhandislik-qurilish instituti “Materiallar qarshiligi va mexanika” kafedrasi tayanch doktoranti bo’lgan. 2022 yil mart oyida doktorlik (PhD) dissertatsiya ishini muffaqiyatli himoya qildi. 2021 yildan “Materiallar qarshiligi va mexanika” kafedrasida katta o’qituvchisi bo’lib ishlab kelmoqda. 35 ta ilmiy va uslubiy ishlar muallifi.
Raximov Abdulvoris Mutalovich
1981 yilda Toshkent politexnika institutini tamomlab, shu institutining Namangan filialida assistent lavozimida ish boshlagan. 1981-1992 yillarda "Materiallar qarshiligi va qurilish mexanikasi" kafedrasida assistent, 1992 yildan shu kafedrada katta o’qituvchi lavozimlarida ishlab keldi. 1994-2009 yillarda Namangan tuman 26-umumta’lim maktabida o’qituvchi bo’lib ishlagan. 2009-2013 yillarda Namangan tuman sanoat- kasb-hunar kollejida o’qituvchi bo’lib faoliyat ko’rsatgan. 2013-yildan hozirgi kunga qadar Namangan muhandislik-pedagogika instituti “Materiallar qarshiligi va mexanika” kafedrasida katta o’qituvchi lavozimida ishlab kelmoqda. 35 dan ortiq ilmiy va uslubiy ishlar muallifi.
Najmiddinov Insomiddin Biloldinovich
1980-1985 yillarda Toshkent davlat universiteti talabasi, 1985-1991 yillar Toshkent politexnika instituti Namangan filiali (1991 yildan Namangan sanoat- texnologiya instituti) assistenti, 1991-1994 yillarda O’zbekiston Respublikasi Fanlar Akademiyasining "Mexanika va inshootlar seysmik mustahkamligi" instituti kunduzgi bo’lim aspiranturasida yer usti inshootlarining zilzilabardoshligi yo’nalishida ilmiy-tadqiqot ishlari olib bordi. 1995-1996 yillarda Namangan muhandislik-pedagogika instituti Axborotlar texnologiyasi va dasturlash kafedrasi katta o’qituvchisi, 1997-2014 yillarda Namangan muhandislik-iqtisodiyot instituti qoshidagi Akademik litseyda Informatika fani o’qituvchisi, 2014-yildan boshlab hozirgi kunga qadar Namangan muhandislik pedagogika instituti “Materiallar qarshiligi va mexanika” kafedrasida katta o’qituvchi lavozimida ishlab kelmoqda
A’zamov Kodirjon Saidmamadovich
1982-1989 yillarda Toshkent davlat universiteti talabasi, 1989-1994 yillar Toshkent politexnika instituti Namangan filiali (1991 yildan Namangan sanoat- texnologiya instituti) assistenti, 1996-2005 yillarda Yangiqo’rg’on tumanida Istiqlol agrosanoat kasb-hunar kolleji o’qituvchisi, 2005 yildan Namangan muhandislik-pedagogika instituti “Materiallar qarshiligi va mexanika” kafedrasi katta o’qituvchi lavozimlarida ishlab kelmoqda.
Isaboyev Sharofiddin Musomiddinovich
1999-2003 yilda Namangan muhandislik-pedagogika instituti talabasi, 2003-2004 yillar “Muhandislik kommunikatsiyalar qurilishi” kafedrasida ishlab chiqarish o’quv ustasi lavozimida ishlagan. 2004-2006-yillarda Namangan muhandislik-pedagogika instituti magistratura bosqichi talabasi, 2006-2009-yillarda “Materiallar qarshiligi va qurilish mexanikasi” kafedrasi kunduzgi bo’lim aspirant, 2009 yildan hozirgi kungacha “Materiallar qarshiligi va mexanika” kafedrasda katta o’qituvchisi lavozimida ishlamoqda.
Abdujabborov Alisher Abdulxay o’g’li
2013-2017 yillarda Namangan muhandislik-pedagogika instituti talabasi, 2017-2018 yillarda Namangan muhandislik-pedagogika instituti, Axborot resurs markazi, elektron axborot resurslsri bo’limi mutaxassisi, 2018-2020 yillarda Namangan muhandislik-pedagogika instituti “Yer usti transport vositalari va tizimlari” kafedrasi magistranti, 2020-yildan ”Materiallar qarshiligi va mexanika” kafedrasi stajyor o’qituvchisi. 7 ta ilmiy uslubiy ishlar muallifi.
