MUHANDISLIK VA KOMPYUTER GRAFIKASI KAFEDRASI
Kafedra haqida
Arxitekturaviy va dasturiy loyihalash kafedrasi institut rektorining 2022 yil 158 – sonli buyrug`iga asosan 5-avgustda “Muhandislik va kompyuter grafikasi” kafedrasi tashkil etildi. Kafedraga 2021 yil 6-sentyabrdan PhD. Maxkamov G`ulomjon Usmonjonovich mudir etib tayinlandi.
Kafedrada jami bo`lib 10 nafar professor-o`qituvchilar shu jumladan: 4 nafar fan nomzodi, dotsent, 1 nafar katta o`qituvchi, 4 nafar o`qituvchi va 1 nafar stajyor o`qituvchi faoliyat ko`rsatmoqdalar.
Kafedrada “Chizma geometriya va muhandislik grafikasi, muhandislik va kompyuter grafikasi, qalamtasvir, rangtasvir va haykaltaroshlik fanlari o`qitiladi.
Kafedrada shu kunga qadar kafedra professori, dots. SH. Abduraxmanov tomonidan 1 ta darslik, 3 ta o’quv qo’llanma 4 ta monografiya, dots. K.Madumarov tomonidan kasb – hunar kollejlari uchun 1 ta o`quv qo`llanma, G.Tubaev va A.Qahharovlar tomonidan 1 ta o`quv qo`llanma va 2 ta monografiya, A.Xamrakulov tomonidan 1 ta o`quv qo`llanma, 1 ta monografiya, A.Xamrakulov va G`.Maxkamovlar tomonidan xorijda 2 ta monografiya chop etilgan.
Kafedra professor – o`qituvchilari tomonidan 50 dan ortiq ilmiy uslubiy ishlar chop etilgan. Jumladan A.Xamrakulov tomonidan “Chizma geometriyadan masalalar ishlash uchun elektron uslubiy ko`rsatma” ishlab chiqilgan bo`lib, o`quv jarayonlarida samarali qo`llanilib kelmoqda.
Kafedrada hozirgi kunda Sankt-Petrburg gorniy universiteti “Chizma geometriya va muhandislik kafedrasi” bilan hamkorlikda ilmiy taddiqot ishlari olib borilmoqda.
Maxkamov G`ulomjon Usmonjonovich
Qabul vaqti: har kuni (yakshanbadan tashqari):
15.00-17.00.
Telefon: +998 93 938-25-88
E-mail: m.gulomjon@mail.ru
1982 yil 6 maydaNamangan viloyati To`raqo`rg`ontumanida tavallud topgan. O`zbek, oilali, partiyasiz, 3 nafar farzandi bor. 1999 yilda Namangan viloyati To`raqo`rg`on tumanidagi 39 –o`rta maktabni tamomlagan. 2000 yili Namangan muhandislik-pedagogika(xozirgi qurilish) institutiga o`qishga kirib, Agroinjineriya mutaxassisligini 2004 yilda tamomlab bakalavr darajasini oldi. 2005-2007 yillarda Namangan muhandislik-pedagogika(xozirgi qurilish) institutining Kasb ta`limi(Qishloq ho`jaligini mexanizatsiyalashtirish) mutaxassisligi bo`yicha magistraturani tamomlab, “Chizma geometriya va muhandislik grafikasi” kafedrasi assistenti sifatida pedagogik faoliyatini boshlagan. 2020-2021 yillarda Namangan muhandislik qurilish instituti doktoranti. 2007-2020yillarda Namangan muhandislik-qurilish instituti (Namangan muhandislik – pedagogika instituti)da assistent, katta o`qituvchi lavozimlarida ishlagan. 2021 yil 6 sentyabrdan “Arxitekturaviy va dasturiy loyihalash” kafedrasi mudiri lavozimida faoliyat yuritmoqda.
G`.U.Maxkamov 2021 yil 19 iyun kuni 05.07.01 – Qishloq xo`jaligi va melioratsiya mashinalari. Qishloq xo`jaligi va melioratsiya ishlarini mexanizatsiyalash ixtisosligi bo`yicha “Mexanik ekish apparati konstruktsiyasini takomillashtirish orqali piyoz urug`ini ekish sifatini oshirish” mavzusidagi texnika fanlari bo`yicha falsafa doktori(PhD) dissertatsiya ishini muvafaqiyatli himoya qildi va texnika fanlari bo`yicha falsafa doktori(PhD) ilmiy darajasiga ega bo`ldi.
Kafedra tarkibi:
MAXKAMOV G`ULOMJON USMONJONOVICH– “Muhandislik va kompyuter grafikasi” kafedrasi mudiri. Institutda 2004 yildan faoliyat olib bormoqda. Namangan muhandislik-pedagogika institutini tamomlagan. 60 dan ortiq xalqaro va respublika miqyosida ilmiy maqola, tezislar hamda o`quv-uslubiy ko`rsatmalar muallifi. 2021 yilda texnika fanlari bo`yicha falsafa doktori(PhD) ilmiy darajasini olgan. m.gulomjon@mail.ru,
ABDURAHMONOV SHERZOD – “Muhandislik va kompyuter grafikasi” kafedrasi professori, dotsent. Pedagogika fanlari nomzodi. Institutda 1979 yildan faoliyat olib bormoqda. 200 dan ortiq ilmiy va uslubiy ishlar, 1 ta darslik 3 ta o’quv qo’llanma 4 ta monagrafiya muallifi. e-mail: e-mail: sh.abduraxmonov@umail.uz
MADUMAROV KOMIL XAMITOVICH – “Muhandislik va kompyuter grafikasi” kafedrasi dotsenti. Institutda 1981 yildan faoliyat olib bormoqda. 1981 yil Toshkent Politexnika Institutini tamomlagan. 40 dan ortiq ilmiy maqola va tezislar, 20 dan ortiq o`quv-uslubiy ko`rsatmalar muallifi. Texnik chimachilik qo`llanmasi o`qituvchi nashriyotida 8 marotaba nashir etildi. 2014 yilda ushbu kitob Respublikada eng yaxshi qo`lanma sifatida tan olingan madumarov@gmail.uz
XAMRAKULOV ABDURAXMAT KARIMOVICH – “Muhandislik va kompyuter grafikasi” kafedrasi dotsenti. Pedagogika fanlari nomzodi. Kafedrada 2012-2021 yillarda kafedra mudiri lavozimida ishlagan. 70 dan ziyod ilmiy uslubiy ishlar muallifi, shulardan 53 tasi ilmiy, 17 tasi uslibiy xarakterga ega (shundan, 2 tasi uslubiy qo`llanma). “Chizma geometriyani o`qitishda kompyuter texnologiyalaridan foydalanish” nomli monografiya muallifi. hamkarab_a@mail.uz
TURSUNOV SHAVKAT SHARIBJANOVICH – “Muhandislik va kompyuter grafikasi” kafedrasi katta o`qituvchisi. 1998 yilda Namangan Davlat Universitetini tamomlagan. Institutda 2014 yildan beri ilmiy-pedagogik faoliyat yuritib kelmoqda. Sh.Tursunov tomonidan 1 ta shaxsiy ijodiy ishlar katalogi chop ettirilgan va 70 dan ortiq ilmiy-uslubiy ishlar, jumladan 15 tadan ortiq horijiy jurnallarda, OAK ro`yxatidagi jurnallarda 8 ta maqola hamda xalqaro va respublika miqyosidagi konferentsiyalarda 50 dan ortiq tezislar va mutaxassislik fanlaridan ilmiy-uslubiy ishlar, 50 tadan ortiq rangtasvir va grafika asarlari muallifidir. 2000 yildan viloyat, Respublika, xorijiy tanlov va ko`rgazmalar ishtrokchisi. 2019 yil – QarDUda o`tkazilgan “Ustoz-shogird” xalqaro tasviriy va amaliy san`at ko`rgazma tanlovida Rangtasvir nominatsiyasi bo`yicha 3-darajali diplom bilan taqdirlangan E-mail: sabtj@umail.uz