NamMQI vakillari Mingbuloq tumanidagi maktablar mutasaddilari va bitiruvchilari bilan uchrashdi
Tuman hokimligi majlislar zalida oʻtkazilgan tadbirni institut matbuot kotibi Azizbek Abduvaliyev olib bordi. Ishtirokchilar uchun institut haqidagi roliklar namoyish etildi, bukletlar taqdim etildi.
Institut birinchi prorektori Odiljon Jakbarov taqdimoti davomida institut salohiyati, reytinglardagi oʻrni, fakultet va yoʻnalishlar haqida tushunchalar berdi.
Mashinasozlik fakulteti dekani Rahmatali Rustamov, kafedra mudiri Umidjon Bobomatov tuman maktablari bilan uzviy aloqalar oʻrnatilgani va bu hamkorlik davom ettirilishi haqida soʻz yuritdi.
Prezident va davlat stipendiyalari sohiblari, tumandan etishib chiqqan ilg'or talabalar, “Qalqon” guruhi aʼzolari erishgan natija va yutuqlari haqida hikoya qildi.
Tuman hokimining o'rinbosari Jamshid Rahimov bu kabi tadbirlar bitiruvchilarga kuchli motivasiya berishini taʼkidladi va institut jamoasiga tashrif uchun minnatdorlik bildirdi.