“Oʻzbekgidroenergo” boshqaruvi raisi hamkorlik uchun institut mutasaddilariga minnatdorlik bildirdi
“Oʻzbekgidroenergo” aksiyadorlik jamiyati tomonidan Norin daryosi hududida umumiy quvvati 228 megavatt boʻlgan GESlar kaskadi barpo etilmoqda.
Ushbu obyektda Namangan muhandislik-qurilish institutining 30 nafarga yaqin talabasi ham amaliyot oʻtadi. Ularga bu uchun uchun jamiyat tomonidan 1,5 mln soʻmdan, ustozlariga esa 3 mln soʻm toʻlab berildi.
“Oʻzbekgidroenergo” aksiyadorlik jamiyati boshqaruvi raisi Abdugʻani Sanginov Norin GESlar kaskadida boʻlib, ishlarning borishi bilan tanishdi, mutasaddilar bilan muloqotda boʻldi.
Muloqotda Namangan muhandislik-qurilish instituti rektori, prorektorlar, Energetika va Qurilish fakulteti dekanlari ham ishtirok etdi.
Boshqaruv raisi ularga yaqindan hamkorlik uchun minnatdorlik bildirib, bu davlat rahbari tomonidan taʼkidlangan muhandis kadrlar tayyorlashda korxona-tashkilotlar bilan uzviy aloqalar bogʻlash boʻyicha vazifalarga hamohang ekanligini bildirdi.